Ffora Twristiaeth Rhanbarthol - Cylch Gorchwyl

Bydd y pedwar Ffora Twristiaeth Rhanbarthol (yng ngogledd, canolbarth, de-orllewin a de-ddwyrain Cymru) yn dylanwadu ac yn llywio'r gwaith o gyflawni ein nodau ar y cyd, ein huchelgeisiau a'n blaenoriaethau ar gyfer yr economi ymwelwyr fel y'i nodir yn y strategaeth 'Croeso i Gymru: blaenoriaethau ar gyfer yr economi ymwelwyr 2020-25'.

Nod cyffredinol y Ffora Twristiaeth Rhanbarthol, wedi'i alinio â'r Fforwm Economi Ymwelwyr, yw darparu llais cynrychioliadol i Lywodraeth Cymru a Croeso Cymru ar gyfer y sector economi ymwelwyr, ei chyflogwyr, a'i gweithlu (llety twristaidd, lletygarwch, atyniadau, digwyddiadau ac economi liw nos) drwy gynnig adborth a chyngor gan y sector i lywio camau gweithredu Llywodraeth Cymru.

Mae'r dull hwn yn gyson â dull partneriaeth gymdeithasol y llywodraeth, cyflogwyr ac undebau llafur sy'n cydweithio mewn ysbryd o gydweithio, er mwyn cyflawni uchelgeisiau a rennir a mynd i'r afael â phryderon cyffredin.

Amcanion y grŵp fydd:

• Annog partneriaeth a chydweithio rhwng pob sector o'r economi ymwelwyr ar lefel ranbarthol i gefnogi cyflwyno'r strategaeth genedlaethol 'Croeso i Gymru: blaenoriaethau ar gyfer yr economi ymwelwyr 2020-25'.
• Darparu gwell dealltwriaeth o'r problemau, yr heriau a'r cyfleoedd sy'n wynebu'r sector ar lefel ranbarthol er mwyn sicrhau bod blaenoriaethau'n cyd-fynd a bod y trefniadau cyflenwi ar bob lefel yn cael eu rheoli'n effeithiol.
• Cynghori ar ymyriadau a pholisïau sy'n effeithio ar weithgareddau datblygu a marchnata, gan sicrhau bod y llywodraeth wrth hyrwyddo'r sector yn gwasanaethu buddiannau cyflogwyr, gweithwyr ac ymwelwyr yn y pen draw.
• Ystyried dulliau arloesol o gefnogi'r sector economi ymwelwyr, gan gynnwys mewn perthynas â recriwtio, hyfforddi a datblygu'r gweithlu, a sicrhau bod y rhain yn gyson â gwaith teg.
• Gweithio mewn partneriaeth gymdeithasol i nodi, hyrwyddo a rhannu dulliau o wella profiad gwaith yn yr economi ymwelwyr, fel bod gwaith teg yn cael ei normaleiddio ar draws y sector a datblygu llwybrau gyrfa gyda dilyniant cyflog.
• Rhoi cyngor ar gyfathrebu strategol ar gyfer y dyfodol tymor byr, canolig a hirdymor.

• Bydd aelodaeth yn cynnwys cynrychiolwyr o'r sector cyhoeddus a phreifat sy'n cynnwys Llywodraeth Cymru a swyddogion Croeso Cymru, Awdurdodau Lleol, Awdurdodau Parciau Cenedlaethol, Cymdeithasau Twristiaeth, Partneriaethau Rheoli Cyrchfannau ac aelodau sy'n berthnasol i'r rhanbarth.
• Bydd aelodaeth dreigl a rhaid i aelodau newydd gael sêl bendith y Cadeirydd a'r Fforwm.
• Dim ond aelodau o'r sector preifat all ddal swydd y Cadeirydd. Fel arfer, dylai'r Is-gadeirydd gael ei ethol o fewn y sector preifat ac nid yw'n cael ei ystyried yn gadeirydd wedi ei ethol. Os nad oes diddordeb yn y swydd is-gadeirydd, yna dylid ystyried aelod o'r sector cyhoeddus.
• Cadeirydd ac is-gadeirydd i gael ei ethol drwy bleidlais aelodaeth am gyfnod o 3 blynedd / 5 mlynedd ac i ddod o ben o bosibl ar ôl tair blynedd.
• Bydd y Cadeirydd yn cynrychioli'r Fforwm Rhanbarthol ar y Fforwm Economi Ymwelwyr.
• Caiff aelodau nad ydynt yn gallu bod yn bresennol anfon cynrychiolydd arall.
• Bydd y Ffora yn cyfarfod bob chwarter gydag o leiaf un wyneb yn wyneb yn cyfarfod yn flynyddol. Gellir ychwanegu cyfarfodydd ychwanegol mewn amgylchiadau eithriadol.
• Bydd yr Ysgrifenyddiaeth yn cael ei ddarparu gan Croeso Cymru. Y Cadeirydd sy'n penderfynu ar yr agenda ar gyfer pob cyfarfod mewn trafodaeth â Croeso Cymru. Bydd cofnodion a phwyntiau gweithredu yn cael eu hanfon at yr aelodau yn dilyn pob cyfarfod a byddant ar gael, ar gais, gan y Rheolwr Ymgysylltu Rhanbarthol.
• Bydd y pedwar rhanbarth yn gweithredu o dan yr un Cylch Gorchwyl er mwyn cael cysondeb. Rhaid cynnig a chytuno ar unrhyw newidiadau i'r 'Cylch Gorchwyl' mewn cyfarfod Fforwm Rhanbarthol gan fwyafrif o'r aelodau sy'n bresennol a'u gosod gerbron y pedwar rhanbarth i gael cytundeb a’u gweithredu.

Bydd pob aelod o'r Bwrdd yn gyfrifol am raeadru / rhannu gweithredoedd neu negeseuon, yn ôl yr angen, gyda'u rhanddeiliaid fel mater ar ôl pob cyfarfod.