Ar gyfer rhai Digwyddiadau Busnes, efallai y bydd rhywfaint o gymorth ariannol cyfyngedig ar gael, i gefnogi trefnwyr digwyddiadau a chynllunwyr sy'n bwriadu dod â digwyddiadau i Gymru.
Rydym yn croesawu ceisiadau gan wahanol fathau o sefydliadau, gan gynnwys, ond heb fod yn gyfyngedig i; trefnwyr digwyddiadau, canolfannau confensiwn / sefydliadau rheoli cyrchfan, prifysgolion, neu gymdeithasau.
Derbynnir cynigion am gymorth o £5,000 hyd at £25,000 fesul digwyddiad/cais. Byddwn yn ystyried cymorth sy'n uwch na'r swm hwn ond mae'n amodol ar y gyllideb sydd ar gael a rhaid cael achos busnes cryf i gefnogi’r cais.
Mae'r costau y tybir eu bod yn gymwys i'w hystyried yn cynnwys:
- Costau eilradd y lleoliad (gan gynnwys costau cymorth AV, technegol / hybrid ond heb gynnwys unrhyw gostau bwyd a diod oni bai bod yr ymdeimlad o le yn cael ei wella drwy hyrwyddo Bwyd a Diod Cymru, bwydlenni dwyieithog ac adloniant Cymraeg fel rhan o'r cynnig digwyddiad ayyb
- Marchnata lle mae Cymru'n cael ei hyrwyddo
- Costau marchnata cyn-ddigwyddiad fel cymdeithasol ar gyfer cofrestriadau cynrychiolwyr
- Costau trosglwyddo cynrychiolwyr fel costau cymorth cludiant lle bo hynny'n addas ac yn ofynnol ar gyfer angen y digwyddiad
- Costau siaradwr (e.e. i gefnogi costau teithio siaradwyr rhyngwladol)
- Profiadau gwella h.y. teithiau wedi'u curadu/ymweliadau ag atyniadau sy'n gysylltiedig â'r digwyddiad busnes i hyrwyddo cynnig a diwylliant cynnyrch Cymru ymhellach
- Unrhyw eitem arall o wariant a ystyrir yn hanfodol i helpu i gyflwyno'r gynhadledd yng Nghymru.
Mae'r costau a fyddai'n cael eu heithrio o gymhwysedd yn cynnwys
- Ffioedd Rheoli Digwyddiadau i drefnu a chynnal y digwyddiad busnes
- Costau gwirioneddol ar gyfer bwyd, diod, llogi y lleoliad a llety
- Ffitiadau a gosodiadau rhydd h.y. eitemau y gellir eu defnyddio mewn digwyddiadau busnes yn y dyfodol a gynhelir y tu allan i Gymru
- Ni ellir rhoi cefnogaeth ôl-weithredol ar gyfer gweithgaredd a wneir cyn cymeradwyo cais a derbyn Llythyr Cynnig
Mae yna hefyd faen prawf penodol mae ceisiadau'n cael eu hasesu ac mae'n rhaid iddynt gyd-fynd â'n Strategaeth Digwyddiadau Genedlaethol ar gyfer Cymru 2022-2030 i'w hystyried ar gyfer cyllid.
Am arweiniad pellach, a meini prawf ar gyfer cyllido, darllenwch ganllawiau a meini prawf ariannu llawn ein Cynllun Sbarduno Digwyddiadau Busnes.
