Manteisio ar ymweliadau llongau mordeithio i greu cyfleoedd

Mae pob ymweliad mordeithio yn dod ag ymwelwyr sydd eisiau crwydro, siopa a mwynhau Cymru. Mae hyn yn rhoi cyfle gwerthfawr i fusnesau twristiaeth gynyddu nifer yr ymwelwyr a hybu gwariant lleol.

Gall ymwelwyr ymuno â theithiau trefnedig neu crwydro trefi a phentrefi ar eu pen eu hunain. Pa un bynnag, gall y diwrnodau hyn roi hwb sylweddol i fusnesau lleol, cynnyrch twristiaeth a phrofiadau.

Gall twristiaeth mordeithiau gynnig:

- mwy o ymwelwyr ar ddiwrnodau cyrraedd allweddol

- cyfleoedd i werthu teithiau a phrofiadau

- mwy o amlygrwydd i’ch cyrchfan a’ch cynnyrch

- y cyfle i droi ymwelwyr newydd yn ymwelwyr sy’n dychwelyd.

Drwy weithio gyda’n gilydd, gall porthladdoedd, cyrchfannau a busnesau wneud y gorau o bob ymweliad. Gan ledaenu’r buddion i gymunedau lleol a chreu argraff barhaol o Gymru.

Mae paratoi ymlaen llaw yn allweddol i wneud y gorau o ymweliadau mordeithiau. Dyma rai ffyrdd syml o baratoi:

- gwirio calendr galwadau Cruise Wales i weld pryd mae llongau’n cyrraedd

- agor eich busnes neu atyniad ar ddiwrnodau mordeithiau lle bo modd

- briffio staff fel eu bod yn gallu croesawu ymwelwyr ac ateb cwestiynau

- arddangos profiadau lleol, bwyd, diwylliant a straeon

- rhannu gwybodaeth gyda phartneriaid ac annog ymgysylltiad lleol.

Mae sefydliadau rheoli cyrchfannau, awdurdodau lleol a phartneriaid diwydiant i gyd yn helpu busnesau i baratoi a gwneud y gorau o’r cyfleoedd hyn.

Efallai mai dim ond amser byr y mae teithwyr mordeithiau yn ei dreulio ar y lan – ond mae’r amser hwnnw’n bwysig iawn.

Mae creu naws am le Cymreig yn helpu ymwelwyr i gysylltu â Chymru, ei phobl a’i diwylliant. Mae croeso Cymreig cynnes, straeon clir a phrofiadau lleol unigryw i gyd yn helpu i greu hwyl, gan adael argraff barhaol ac arwain at ymweliadau yn y dyfodol.

Darganfyddwch sut y gallwch greu naws am le Cymreig yn eich busnes.