Rheoli eich cofnod cynnyrch twristiaeth Croeso Cymru

Ni ddylai'r digwyddiadau rydyn ni'n eu rhestru fod yn rhy 'hyperleol' ond o ansawdd digon uchel i apelio at ymwelwyr rhyngwladol yn ogystal â domestig. Dylid hefyd fod digon o gyhoeddusrwydd / presenoldeb ar y we neu ddigwyddiadau cymdeithasol (ar Facebook er enghraifft) o amgylch y digwyddiad i allu cyfeirio ymwelwyr ato, os oes angen mwy o wybodaeth / cyfarwyddiadau neu brisiau arnynt.

Rhaid i'r digwyddiad ddenu o leiaf 200+ o fynychwyr.

Arwyddocâd cenedlaethol – a fyddech chi'n teithio i Gymru ar gyfer y digwyddiad hwn? Ein nod yw denu ymwelwyr o farchnadoedd rhyngwladol allweddol. Rydym yn ymdrechu i:

• hyrwyddo a marchnata Cymru yn lleol ac yn rhyngwladol;
• adeiladu enw da i Gymru fel cyrchfan digwyddiadau byd-eang;
• adeiladu eiriolaeth gan y gymuned leol. 

Mae Croeso Cymru yn blaenoriaethu digwyddiadau yr ydym wedi buddsoddi'n ariannol ynddynt neu wedi cynnig lefel o gymorth grant ar gyfer cynnal eu digwyddiad yng Nghymru.  Efallai y bydd digwyddiadau y byddwn yn eu cynnwys oherwydd eu natur unigryw a'u gallu i ddod ag ymwelwyr i'r ardal benodol honno neu godi proffil Cymru. 

Mae angen i ddelwedd y digwyddiad fod o leiaf 1920 x 1440 picsel o ran maint.

Ar gyfer digwyddiadau sy'n cynnwys gweithgareddau fel teithiau cerdded tywysedig/beicio/chwaraeon dŵr, bydd angen i ni wirio a yw'r gweithgaredd yn dod o dan ein Cynllun Sicrwydd Achredu sy'n ofynnol ar gyfer y busnesau gweithgareddau antur hynny sy'n dymuno cael eu rhestru ar croesocymru.com. I gael rhagor o wybodaeth, edrychwch ar ein  tudalen Cynllun Sicrwydd Gweithgareddau Antur neu os hoffech gyngor neu help, cysylltwch â quality.tourism@llyw.cymru.

Bydd pob digwyddiad yn cael ei wirio cyn cael ei gymeradwyo a'i gyhoeddi.

Mae digwyddiadau yn cael eu harddangos ar wefan Croeso Cymru drwy ein Cronfa Ddata Digwyddiadau. Os oes gennych ddigwyddiad Dydd Gŵyl Dewi yr hoffech ei restru ar croesocymru.com rhaid iddo fodloni'r meini prawf a nodir isod.

Rhaid i'r digwyddiad ddenu o leiaf 50+ o fynychwyr.

Arwyddocâd cenedlaethol a/neu leol

• a fyddech chi'n mynychu'r digwyddiad hwn yn lleol yn eich cymuned?
• a fyddech chi'n deithio i Gymru ar gyfer y digwyddiad hwn? 

Ein nod ar gyfer Dydd Gŵyl Dewi yw denu ymwelwyr o farchnadoedd rhyngwladol allweddol yn ogystal â digwyddiadau ar gyfer cymunedau lleol. Rydym yn ymdrechu i:

• hyrwyddo a marchnata Cymru yn lleol, yn genedlaethol ac yn rhyngwladol;
• adeiladu enw da Dydd Gŵyl Dewi yng Nghymru fel digwyddiad byd-eang, a chynnig cymunedol lleol;
• adeiladu eiriolaeth gan y gymuned leol. 

Rhaid i'r digwyddiad ar gyfer Dydd Gŵyl Dewi gael ei gynnal rhwng 14 Chwefror a 16 Mawrth, nodwch y bydd digwyddiadau yn cael eu tynnu o'r gronfa ddata ar ôl y dyddiad terfynol. 

Mae Croeso Cymru yn blaenoriaethu digwyddiadau yr ydym wedi buddsoddi'n ariannol ynddynt neu wedi cynnig lefel o gymorth grant ar gyfer cynnal eu digwyddiad yng Nghymru.  Efallai y bydd digwyddiadau y byddwn yn eu cynnwys oherwydd eu natur unigryw a'u gallu i ddod ag ymwelwyr i'r ardal benodol honno neu godi proffil Cymru. 

Fe’u diffinnir gan eu gallu i ddenu a dylanwadu ar gynulleidfaoedd rhyngwladol ar raddfa eang a sicrhau sylw sylweddol ar y cyfryngau. Dylai’r digwyddiadau sicrhau effaith economaidd a nifer sylweddol o ymwelwyr i’r gyrchfan. Gallan nhw ddenu cynulleidfaoedd teledu byd-eang a bydd noddwyr rhyngwladol mawr yn aml yn cyfrannu atyn nhw. Gallan nhw effeithio’n gadarnhaol o ran dylanwadu ar rannau penodol o’r farchnad a newid agwedd ac ymddygiad.

Nid yw Cymru’n ‘berchen’ ar y digwyddiadau rhyngwladol hyn a byddai’n rhaid iddyn nhw fod wedi dewis Cymru yn wyneb cystadleuaeth ryngwladol. Mae enghreifftiau’n cynnwys Prawf Criced yr ‘Ashes’, rownd derfynol Cwpan rygbi Heineken a WOMEX.

Mae’n bosibl bod gan y digwyddiadau hyn hefyd ddimensiwn rhyngwladol cryf ond yn wahanol i’r categori digwyddiadau mawr a ddisgrifir uchod, maen nhw’n ddigwyddiadau sy’n digwydd yn gyson neu’n rheolaidd.  Maen nhw’n naill ai’n unigryw i Gymru neu’n arbennig o Gymreig eu natur, ac yn adlewyrchu ein diwylliant, traddodiadau a gwerthoedd. Maen nhw’n cyfoethogi delwedd a hunaniaeth ddiwylliannol Cymru ac yn darparu profiad arbennig i bobl Cymru ac i ymwelwyr. 

Mae Digwyddiadau Unigryw llwyddiannus yn adfywio ac adnewyddu cynulleidfaoedd. Mae enghreifftiau’n cynnwys digwyddiadau sydd wedi hen sefydlu fel Gŵyl y Gelli, Eisteddfod Gerddorol Ryngwladol Llangollen, Hanner Marathon Caerdydd a gŵyl y Dyn Gwyrdd.

Mae’r rhain fel rheol yn ddigwyddiadau llai, newydd yn aml, ag ôl troed a ffocws o natur rhanbarthol, lleol neu sector. Maen nhw'n dangos uchelgais a photensial i ddod yn Ddigwyddiadau Mawr neu Unigryw i Gymru. Mae’n bosibl hefyd i’r digwyddiadau hyn weithredu fel cerrig milltir yn y broses o dyfu mewn profiad a hygrededd Cymru fel cyrchfan, yn rhagarweiniad i’r gwaith o gynnal digwyddiad mawr.  Mae enghreifftiau’n cynnwys Gwyliau FOCUS Wales, Beyond the Border a Gŵyl Gomedi Machynlleth.

Mae digwyddiadau’n cael eu cynnal ledled Cymru sy’n cyd-fynd â dull thematig ‘Blynyddoedd o’ Cymru ac yn adlewyrchu un neu fwy o gryfderau cynnyrch craidd Cymru, sef antur, diwylliant a thirwedd. Er enghraifft, yn 2018 yn ystod Blwyddyn y Môr yng Nghymru, cynhaliwyd llawer o ddigwyddiadau newydd a wnaeth ddod â’n glannau’n fyw a rhoi ein harfordiroedd epig yn ganolbwynt ein marchnata.

Fel gyda phob digwyddiad, rhaid iddynt fod â golwg fyd-eang ac o ansawdd uchel sy’n bodloni amcanion Brand Cymru.

• Codi ein statws.
• Synnu ac ysbrydoli.
• Newid canfyddiadau.
• Gwneud pethau da.
• Bod yn ddiamheuol Gymreig.

Rydym hefyd yn awyddus i hyrwyddo digwyddiadau sy’n cysylltu â Ffordd Cymru, Llwybr Arfordir Cymru a bwyd a diod Gymreig.

Rydym wedi symud i System Reoli newydd ar gyfer Cronfa Ddata Cynnyrch Twristiaeth. Os oedd gennych gyfrif i olygu cofnod cynnyrch cyn mis Tachwedd 2025, bydd eich Enw Defnyddiwr yn aros yr un fath, ond mae'r URL i gael mynediad i'r gronfa ddata cynnyrch a diwygio'ch cofnod cynnyrch wedi newid

Yr URL newydd yw - https://extranet-wales.newmindets.net/App/Extranet/Login.aspx Mewn gofnodwch a gwiriwch eich cofnodion cynnyrch ar y gronfa ddata ar gyfer VisitWales.com, traveltrade.visitwales.com a meetInwales.com.

Mae'r gronfa ddata gyfan ar gyfer cofnodion cynnyrch ar visitwales.com wedi'i symud i'r system gronfa ddata newydd ar gyfer cynnyrch. Os oedd gennych gyfrif i fewngofnodi i'r gronfa ddata flaenorol, cyn mis Tachwedd 2025, yna bydd yr wybodaeth am y cynnyrch wedi'i symud i'r gronfa ddata newydd.

Dylech fod wedi derbyn e-bost gan Simpleview Europe, sy'n masnachu fel Granicus Firmstep (ar ran Croeso Cymru), gyda gwybodaeth am sut i fewngofnodi i'ch cyfrif gan ddefnyddio'r system reoli newydd ar gyfer cofnodion cynnyrch. Os ydych chi'n cael problemau o ran cael gafael ar y system reoli, cysylltwch â Stiward Data Croeso Cymru drwy e-bostio visitwalessupport@granicus.com neu ffonio 0330 808 9410.

Gallwch gael mynediad i'r porth trwy fewngofnodi i'r System Rheoli Cronfa Ddata Cynnyrch Twristiaeth gan ddefnyddio'r URL hwn:  extranet-wales.newmindets.net/App/Extranet/Login.aspx. Ar y sgrin mewngofnodi, rhowch eich enw defnyddiwr a'ch cyfrinair. Os na allwch gofio eich cyfrinair, cliciwch ar ‘wedi anghofio fy nghyfrinair’. I ddiweddaru eich cofnod, llenwch y meysydd a gwiriwch a chadwch bob adran wrth i chi fynd ymlaen.

Gallwch weld ein recordiad gweminar sy'n rhoi trosolwg o sut i ddefnyddio'r System Rheoli Cronfa Ddata newydd Cyflwyniad i DMS | Simpleview Europe neu edrychwch are ein cynghoriad. Am ganllawiau cam wrth gam mwy manwl, cysylltwch â Rheolwyr Data Cymru trwy anfon e-bost visitwalessupport@granicus.com.

I gael cymorth i ddiweddaru neu fewngofnodi, cysylltwch â'n Stiwardiaid Data Croeso Cymru drwy e-bostio visitwalessupport@granicus.com neu ffonio 0330 808 9410.   

Os nad yw'ch cofnod yn ymddangos o chwiliadau pan fyddwch chi'n credu y dylai, rhowch wybod i ni a gallwn ymchwilio i hyn i chi.

Dylech gynnwys manylion y paramedrau chwilio rydych chi wedi'u defnyddio. Er enghraifft:

• Crynodeb: Trosolwg byr o'r chwiliadau a wnaethoch chi a'r ddyfais a ddefnyddiwyd.
• Atodiadau: Unrhyw sgrinluniau, logiau neu ddogfennau perthnasol.
• Gwybodaeth ychwanegol: Rhagor o fanylion a allai fod yn berthnasol neu'n ddefnyddiol.