Tynnu sylw at letygarwch Cymru

•    Ysbrydoli cynulleidfaoedd ledled y DU i fwynhau gwyliau hydrefol yng Nghymru
•    Arddangos bwyd, diod a lletygarwch Cymru
•    Targedu cyplau a grwpiau o oedolion
•    Cyrraedd cynulleidfaoedd drwy sianeli gan gynnwys Amazon Prime, Meta, TikTok, Pinterest a YouTube.

Helpwch ni i ddathlu’r bobl, y lleoedd a’r cynnyrch sy’n gwneud lletygarwch Cymru mor arbennig. Mae’n hawdd cymryd rhan yn yn yr ymgyrch. Dyma rai syniadau syml:

• Postiwch lun neu fideo o bryd neu gynnyrch Cymreig rydych chi’n ei gynnig a thagiwch ni @croesocymru
• Tagiwch ac argymhellwch fusnes bwyd neu ddiod lleol
• Rhannwch gynnwys bwyd a diod Croeso Cymru o’n sianeli Instagram, Facebook neu TikTok 
• Dywedwch wrth eich cwsmeriaid am gynhwysyn neu gynhyrchydd Cymreig rydych chi’n ei ddefnyddio a pham
• Anfonwch stori atom am eich busnes a’r hyn sy’n gwneud eich profiad lletygarwch yn unigryw Gymreig

Rhannwch eich newyddion diweddaraf

Dywedwch wrthym am eich profiadau bwyd, diod a lletygarwch a allai helpu i ysbrydoli ein gweithgarwch marchnata a chysylltiadau cyhoeddus.

Cysylltwch â ni drwy e-bost i rannu eich newyddion diweddaraf a’n helpu i hyrwyddo Cymru.

Mae ymgyrch Hwyl Lletygarwch yn dathlu’r gorau o letygarwch Cymru, gan ddod â’n croeso cynnes a’n bwyd a diod unigryw at ei gilydd i roi blas go iawn o Gymru ac naws am le cryf o Gymreictod i ymwelwyr.

Wrth galon lletygarwch Cymru mae’r bobl sy’n ei wneud mor arbennig. O gynhyrchwyr bwyd a chogyddion talentog i fwytai, bragdai a distyllfeydd, maen nhw i gyd yn helpu i greu profiadau bwyd a diod arbennig yng Nghymru.

Edrychwch ar sut mae Croeso Cymru yn rhoi sylw i’r bobl, y lleoedd a’r straeon y tu ôl i fwyd a diod Cymru. Defnyddiwch yr enghreifftiau hyn fel ysbrydoliaeth i ddod â mwy o Gymreictod i brofiad eich ymwelwyr a’u helpu i ddarganfod beth sy’n gwneud eich ardal chi’n arbennig.

Cynhyrchwyr bwyd

Lleoedd i fwyta ac yfed

Bwytai moethus

Bragdai a distyllfeydd

Darganfyddwch offer ac adnoddau i helpu busnesau lletygarwch i hyrwyddo bwyd a diod o Gymru, prynu’n lleol a chreu profiad Cymreig unigryw i ymwelwyr.

Datblygwyd Cynllun Gweithredu Twristiaeth Bwyd i Gymru ar gyfer 2015–2020, ond mae’r canllawiau’n parhau i fod yn berthnasol ac yn ddefnyddiol i fusnesau twristiaeth heddiw.

Pecyn Cymorth Twristiaeth Bwyd

Mae’r Pecyn Cymorth Twristiaeth Bwyd yn adnodd ymarferol i helpu busnesau lletygarwch i wneud y gorau o fwyd a diod Cymru. Mae’n edrych ar werth twristiaeth bwyd i Gymru ac i’ch busnes, ac yn cynnwys cyngor a syniadau defnyddiol ar gynllunio bwydlenni, ryseitiau a ffyrdd o dynnu sylw eich cwsmeriaid at fwyd a diod Cymru.

Edrychwch ar y Pecyn Cymorth Twristiaeth Bwyd am syniadau ymarferol ac ysbrydoliaeth.

Pobl sy’n gwneud lletygarwch Cymru yn arbennig. Archwiliwch yr adnoddau a’r cymorth sydd ar gael i’ch helpu chi a’ch tîm i fagu hyder, datblygu sgiliau newydd a chreu profiadau cofiadwy i ymwelwyr â Chymru.

Darganfyddwch ddarparwyr hyfforddiant, mentrau ac ymgyrchoedd lleol, a’r cymorth sydd ar gael gan Bartneriaeth Sgiliau Twristiaeth a Lletygarwch Cymru.