Wall of Hwyl / Wal Hwyl
Fel rhan o'n hymgyrch farchnata mae'r “Wal Hwyl” yn ymddangos ar hafan Croeso Cymru. Mae'r "wal" yn llawn adegau o hwyl a llawenydd - hwyl - ledled Cymru ac wrth i'r ymgyrch fynd rhagddi, byddwn yn gofyn i ymwelwyr ein tagio fel ei bod yn cynnwys pobl yn cael hwyl yng Nghymru.
Defnyddiwch y tagiau canlynol #FeeltheHwyl, #Hwyl, #VisitWales a #CroesoCymru. Bydd cynnwys a gynhyrchir gan ddefnyddwyr yn ymddangos gydol y flwyddyn, ond i ddechrau, h.y. yn y lansiad, bydd Croeso Cymru yn defnyddio rhai o'n hoff bostiadau hwyliog ein hunain.
Os hoffech i'ch busnes neu'ch cyrchfan gael ei ystyried i fod yn rhan o gynnwys lansio’r Wal Hwyl, e-bostiwch Croeso@llyw.cymru – y cyfan sydd ei angen arnom yw enw cyswllt, e-bost, ac enw eich busnes, ac yna byddwn yn cysylltu â chi i roi gwybod pa fath o fideo neu bostiad yr ydym yn chwilio amdano a'ch helpu i gael eich cynnwys.
Busnesau twristiaeth yng Nghymru - mae angen eich help arnom
Er mwyn gwneud y teithiau hyn yn llwyddiannus, mae angen eich help arnom!
Rydym yn chwilio am fanylion a chynhyrchion a fydd o ddiddordeb i'r cyfryngau. Isod mae ein gofynion penodol i'n helpu i hyrwyddo Cymru fel cyrchfan orau i dwristiaid a'r cyfryngau fel ei gilydd.
Rydym yn chwilio am fanylion a chynhyrchion a fydd o ddiddordeb i'r cyfryngau, mae hyn yn cynnwys:
- Agoriadau newydd: Gwybodaeth am westai newydd, bwytai, safleoedd glampio, atyniadau, neu fusnesau eraill sy'n gysylltiedig â thwristiaeth.
- Straeon difyr: Straeon unigryw a diddorol sy'n tynnu sylw at gymeriad neu leoliad eich busnes.
- Gwestai neu lety gwely a brecwast sydd wedi eu huwchraddio: Gwybodaeth am waith adnewyddu diweddar, gwasanaethau newydd, neu nodweddion arbennig yn eich llety.
- Digwyddiadau arbennig: Digwyddiadau neu wyliau newydd neu sydd ar y gweill a fydd yn denu sylw'r cyfryngau.
- Mentrau cynaliadwy: Ymdrechion i hyrwyddo arferion twristiaeth ecogyfeillgar a chynaliadwy a phrofiadau newydd fel e-feiciau, teithiau cerdded chwilio am fwyd, gwyliau gwirfoddoli, profiadau oddi ar y grid ac ati.
- Profiadau lleol 'Gwlad. Gwlad': Profiadau lleol unigryw sy'n cynnig blas dilys o ddiwylliant, bwyd, diodydd a threftadaeth Cymru.
- Gweithgareddau tymhorol: yn enwedig gwybodaeth am ddigwyddiadau bob pen i'r tymhorau, sy'n tynnu sylw at ddigwyddiadau cynnar yn y gwanwyn, yr hydref a'r gaeaf.
- Llety, bwytai, ac atyniadau sy'n addas i blant.
- Llety cyfeillgar i gŵn ac anifeiliaid anwes a chynigion unigryw fel basgedi cŵn a danteithion i'ch anifeiliaid anwes.
- 'Teithiau y tu ôl i'r llenni' - Rhowch wybod i ni os ydych chi'n gallu cynnal 'teithiau y tu ôl i'r llenni', mae'r rhain yn arbennig o boblogaidd gyda'r wasg ond dylent hefyd fod ar gael i'r cyhoedd i'w archebu.
Cysylltwch â ni drwy e-bost i rannu eich newyddion a'n helpu i hyrwyddo Cymru fel cyrchfan boblogaidd i deithwyr a'r cyfryngau fel ei gilydd.
