Ymgyrchoedd Blwyddyn Thematig Croeso Cymru

Ers 2016 rydyn ni wedi bod yn hyrwyddo Cymru drwy gyfres o themâu, gan gynnwys y blynyddoedd canlynol:

• Croeso 2025
• Llwybrau yn 2023
• Awyr Agored yn 2020
• Darganfod yn 2019
• Y Môr yn 2018
• Chwedlau yn 2017
• Antur yn 2016

Mae'r strategaeth yn cael ei gyrru gan Croeso Cymru mewn ymateb i heriau allweddol sy’n ei wynebu wrth hyrwyddo Cymru fel cyrchfan. Mae'r blynyddoedd thematig yn helpu ein huchelgais hirdymor i ddatblygu brand cryfach a mwy diffiniedig yng Nghymru ac yn rhoi cyfle inni ganolbwyntio ar fuddsoddi ac arloesi yn y maes twristiaeth gan gynyddu nifer yr ymwelwyr a'u gwerth bob blwyddyn. 

Yn y dolenni uchod byddwch yn gweld canllawiau ar gyfer y diwydiant gan gynnwys awgrymiadau a’r holl wybodaeth sydd ei hangen i gymryd rhan yn y thema.

Bydd Croeso 25 yn lansio ym mis Ionawr 2025 ac yn nodi'r nesaf mewn cyfres lwyddiannus o flynyddoedd thema dan arweiniad Croeso Cymru.  Ein hymgyrch farchnata flaenllaw ar gyfer Cymru, Hwyl, a fydd yn cael ei chyflwyno o dan ymbarél y flwyddyn thematig, byddai’n canolbwyntio ar y teimladau o hwyl a llawenydd y gallwch eu profi "Yng Nghymru yn unig".

Byddwn yn gwahodd rhanddeiliaid o fewn y diwydiant i weithio'n agos gyda ni unwaith eto a gweiddi'n uwch fyth am ein Croeso Cymreig unigryw a dathlu ein profiadau, cynhyrchion, cyrchfannau a diwylliant eiconig, sydd i'w gweld yng Nghymru yn unig.

Dewiswyd Croeso fel thema yn rhannol oherwydd adborth ac mae’n: -

• Thema y gall unrhyw randdeiliad (mewnol ac allanol, preifat, trydydd sector, y sector cyhoeddus) ei chynnwys (tebyg i Llwybrau Cymru)
• Neges gref sy’n gweithio i’r defnyddiwr, y fasnach deithiau, cynulleidfaoedd cyfryngau a gweithgareddau
• Sylfaen i'w defnyddio yn gysylltiedig â digwyddiadau mawr ac uchafbwyntiau gweithgarwch y cyfryngau
• Perffaith at dynnu sylw at Naws am Le a'n Croeso unigryw

Am fwy o fanylion am Croeso 25 ac ymgyrch Hwyl, gwyliwch y weminar Marchnata Croeso Cymru a gynhaliwyd 17 Hydref.

Yn 2023 gwnaethom wahodd ymwelwyr a thrigolion Cymru i grwydro llwybrau epig Cymru, dros ddwy flynedd, wrth i ni ddangos yr hyn sydd ar gael - gan ddefnyddio llwybrau fel sbardun i brofiadau cyffrous a chyfleoedd newydd. 

Mae'r ymgyrch yn annog pobl i wneud y canlynol: 

• dod o hyd i drysorau anghofiedig, 
• croesawu teithiau o'r synhwyrau 
• gwneud atgofion ar hyd llwybrau o amgylch atyniadau, gweithgareddau, tirweddau ac arfordiroedd. 

O Monet (Amgueddfa Cymru) i'r mynydd, o'r arfordir i'r cestyll, mae llwybrau i bob busnes eu dilyn, a llawer i ymwelwyr ei fwynhau.

Gan adeiladu ar lwyddiant ein pum thema flaenorol, mae "Llwybrau Cymru" yn anelu at ysbrydoli ein rhanddeiliaid, ein partneriaid a'r cyfryngau, i ddefnyddio'r thema fel ffordd o arddangos yr ystod lawn o gynnyrch sydd gan Gymru i'w gynnig.

Cafodd thema’r ymgyrch hon ei lansio hefyd yn dilyn Hydref hynod o broffil uchel a chyffrous i Gymru yn 2022, gyda Chwpan y Byd FIFA a misoedd lawer o weithgareddau (gan gynnwys teledu a fideo ar alw) gydag ymgyrch gwyliau'r Hydref a'r Gaeaf.  

Ysbrydoliaeth ac Adnoddau

Mae canllawiau “Llwybrau”, logo, canllawiau logo a delweddau o ansawdd uchel ar gael i bartneriaid yn y diwydiant eu lawrlwytho a’i defnyddio ar gyfer marchnata Llwybrau: Cymerwch olwg a'u lawrlwytho ar Assets: Llwybrau | Visit Wales.