Galwad olaf i Fusnesau Canolig
Mae'r ymyrraeth derfynol hon yn targedu busnesau canolig eu maint (50–250 o weithwyr). Mae'n sicrhau y gall cwmnïau o bob maint yn ein sector gryfhau eu cynnig. Mae gan y cwmnïau hyn y potensial mwyaf i dyfu swyddi a rhoi hwb i economïau rhanbarthol trwy ymestyn eu tymor gweithredu.
Trwy helpu busnesau i wrthsefyll yr elfennau, rydym yn rhoi mwy o ddiwrnodau masnachu iddynt. Ond yn fwy na hynny, rydym yn eu helpu i roi croeso cynnes o safon fyd-eang i ymwlelwyr â Chymru drwy gydol y flwyddyn.
I fod yn gymwys:
- mae’n rhaid ichi fod yn fusnes twristiaeth neu letygarwch wedi'i leoli yng Nghymru
- yn cyflogi rhwng 50 a 250 o weithwyr parhaol drwy gydol y flwyddyn drwy PAYE
- wedi bod yn masnachu ers o leiaf blwyddyn
- â phresenoldeb ar-lein i ddangos eich bod yn denu ymwelwyr o'r tu allan i'ch ardal leol.
Gall costau prosiect cymwys gynnwys seilwaith fel:
- Canopïau, pergolas, neu seddi dan do
- Llwybrau dan do neu lochesi i ymwelwyr
- Llwybrau naddion pren neu graean
- Arwyneb caled ar gyfer meysydd parcio
- Ardaloedd chwarae dan do
Rhaid i’r cyfleusterau fod ar gael at ddefnydd ymwelwyr dydd i’ch busnes ac ni allwn ariannu cyfleusterau sydd at ddefnydd eich gwesteion sy'n aros dros nos yn unig.
Gwiriwch os ydych yn gymwys, darllenwch y nodiadau canllaw, ac ewch ati i lenwi eich ffurflen gais.
Dyddiad cau: 5yp ar Dydd Llun 1 Rhagfyr 2025
Ni dderbynnir unrhyw geisiadau ar ôl yr amser hwn.
Peidiwch â cholli’r cyfle - cyflwynwch eich cais heddiw a helpwch i baratoi eich busnes ar gyfer y dyfodol.
