Cynlluniau marchnata ar gyfer 2027
P'un a ydych yn fusnes twristiaeth, yn randdeiliaid, neu'n bartner diwydiant, mae'r weminar hon sydd am ddim yn gyfle gwych i:
- Fod y cyntaf i glywed am flwyddyn thematig newydd Croeso Cymru, Blwyddyn Beicio.
- Darganfod sut rydym yn bwriadu gwneud 2027 yn ddathliad o bob math o feicio a phrofiadau ledled Cymru a sut y gall eich busnes gymryd rhan i wneud y mwyaf o gyfleoedd.
- Dysgu am ein cynlluniau ar gyfer ymgyrch Blwyddyn Beicio 2027, gan gynnwys cyfeiriad creadigol, cynulleidfaoedd targed a chynlluniau'r cyfryngau.
- Clywed sut mae Croeso Cymru yn paratoi ar gyfer y Tour de France Grand Départ yng Nghymru a'r cyfleoedd y mae'n ei gynnig i arddangos Cymru fel cyrchfan twristiaeth, a thyfu pob math o dwristiaeth beicio yn 2027 a'r tu hwnt i hynny.
- Darganfod yr adnoddau a'r asedau marchnata am ddim sydd ar gael i gefnogi'ch gweithgareddau hyrwyddo eich hun.
- Derbyn yr wybodaeth ddiweddaraf am ymchwil a'r diweddariadau busnes.
- Darganfod sut y gall eich busnes elwa o gynllun Gwobr Croeso i Feicwyr a'r cyllid sydd ar gael.
Byddwn hefyd yn cynnal sesiwn holi ac ateb fyw ar ddiwedd y weminar, gan roi cyfle i chi ofyn cwestiynau yn uniongyrchol i dîm Croeso Cymru.
Cofrestru ar agor. Archebwch eich lle am ddim heddiw.
Bydd y gweminar am ddim yn cael ei chynnal trwy Microsoft Teams ar 26 Tachwedd 2026 rhwng 2:00 yp a 3:30 yp.
Sylwer, bydd y cyfarfod hwn yn cael ei recordio a bydd ar gael i’w gweld ar wefan diwydiant twristiaeth Llywodraeth Cymru: Digwyddiadau ymgysylltu â'r diwydiant twristiaeth a lletygarwch | Diwydiant
Ymwadiad: Mae’r weminar hon ar gyfer unigolion yn unig. Peidiwch â defnyddio botiau AI na systemau awtomatig i ymuno â’n cyfarfodydd rhithwyr. Os ydyn ni’n credu bod bot AI yn cael ei ddefnyddio bydd y cyfranogwr yn cael ei dynnu a’i wahodd i ailymuno pan fydd y swyddogaeth AI wedi cael ei diffodd. Bydd recordiad llawn o’r weminar ar gael ar ein gwefan diwydiant ar ôl y digwyddiad.
Mae cymryd rhan yn ddarostyngedig i Hysbysiadau Preifatrwydd y Diwydiant Twristiaeth | Diwydiant Croeso Cymru, sy’n amlinellu sut mae recordiadau o weminarau a data mynychwyr yn cael eu trin yn unol â’r GDPR
