Pleser i Croeso Cymru oedd cael rhannu’r profiad a chynghorion da ein panel o arbenigwyr wrth iddynt drafod y tueddiadau a’r disgwyliadau diweddaraf ar gyfer denu ymwelwyr uchel eu gwariant i Gymru.
Mae recordiad o’r weminar a dolenni defnyddiol eraill o’r sesiwn ar gael isod nawr. Dyma sesiwn hanfodol i bob busnes sydd am wneud y gorau o’r pethau unigryw y mae gan Gymru i’w gynnig.
Yn ystod y drafodaeth, cafodd y panel:
- rannu enghreifftiau o’r byd go iawn
- ystyried sut y gall busnes ennyn diddordeb ymwelwyr heb gyllideb farchnata fawr
- sut mae gan Gymru gyfle unigryw i fanteisio ar farchnadoedd rhyngwladol a domestig ar gyfer ymwelwyr uchel eu gwariant, gan gynnig manteision arbennig ar sail ei threftadaeth ddiwylliannol a naturiol gyfoethog.
- a sut y mae cydweithio’n allweddol i sicrhau bod twristiaeth yn tyfu’n gynaliadwy. Ystyried sut y gall gweithio gyda Croeso Cymru a phartneriaid eraill, gan gynnwys platfformau digidol, helpu i adeiladu diwydiant twristiaeth cryf a llewyrchus yng Nghymru.
Ein panelwyr:
Joss Croft OBE, Prif Weithredwr, UKInbound
Yn arwain y gymdeithas fasnach arobryn ar gyfer ail sector allforio gwasanaethau mwyaf y DU. Mae'n angerddol am ddatblygu pobl, darparu gwasanaeth eithriadol, a gyrru twf. Mae Joss yn arweinydd deinamig sydd ag arbenigedd yn yr economi ymwelwyr rhyngwladol a heriau busnes.
Karin Gidlund, Karin Tourism Solutions
Yn drefnydd teithiau profiadol, ar ôl gweithio i weithredwyr blaenllaw fel CIE Tours, Rabbie’s ac Abbey UK ac Iwerddon. Mae hi bellach yn ymgynghori ar gyfer busnesau twristiaeth, gan gynorthwyo cyrchfannau i fod yn barod ar gyfer y fasnach deithio, creu profiadau y gellir eu harchebu, a gweithredu trawsnewidiadau digidol. Mae ei hymdrechion yn canolbwyntio ar wella galluoedd archebu ar-lein.
Phil Scott, Partner Sefydlu a Pherchennog Gyfarwyddwr RibRide
Un o fusnesau twristiaeth antur blaenllaw Cymru, wedi helpu datblygiad Gogledd Cymru fel cyrchfan antur Ewropeaidd flaenllaw. Yn gyn-gadeirydd Fforwm Twristiaeth Gogledd Cymru Croeso Cymru, mae Phil wedi annog dull rhanbarthol o dwristiaeth antur, gyda'r genhadaeth o wneud twristiaeth antur yn hygyrch i bawb.
Jane Rees-Baynes, Tŷ Gwledig Elm Grove
Y drydedd genhedlaeth sy'n rhedeg Tŷ Gwledig Elm Grove a chyn Gadeirydd Croeso Sir Benfro, wedi addasu i heriau twristiaeth trwy gydweithio â Chwmnïau Rheoli Cyrchfannau (DMCs), TXGB, a chwmnïau FIT (teithiau cwbl gynhwysol / annibynnol) ers 2020, mewn symudiad i ffwrdd o ddibynnu ar Asiantau Teithio Ar-lein (OTAs) gyda chomisiynau uchel. Mae'r strategaeth hon wedi profi'n llwyddiannus iawn ar gyfer ei heiddo hanesyddol sydd gyda 11 ystafell wely ger Dinbych-y-pysgod, Sir Benfro.
Gweminar – gwybodaeth ddefnyddiol
- Cwestiynau/canlyniadau pôl
- Gwybodaeth am Gymru i'r Fasnach Teithio | Fasnach Teithio Cymru (Saesneg yn unig)
- Hanfodion y Diwydiant Teithio | Diwydiant Croeso Cymru
- Gweithio gyda’r Diwydiant Teithio | Diwydiant Croeso Cymru
- Jargoniadur ar gyfer y Diwydiant Teithio | Diwydiant Croeso Cymru
- TXGB | Cynyddu gwerthiannau eich busnes | Diwydiant Croeso Cymru
