Beth yw Twristiaeth Gyfrifol?
Mae Twristiaeth Gyfrifol yn rhan o’n strategaeth Croeso i Gymru: Blaenoriaethau i’r Economi Ymwelwyr 2020-2025 lle ein huchelgais yw tyfu twristiaeth er lles Cymru. Mae hyn yn golygu twf economaidd sy’n dod â buddion i bobl a lleoedd, gan gynnwys:
- cynaliadwyedd amgylcheddol
- cyfoethogi cymdeithasol a diwylliannol
- a manteision iechyd.
Mae twristiaeth gyfrifol yn golygu gwneud lleoedd yn well i bobl fyw ynddynt ac yn well i bobl ymweld â hwy. Mae’n ymwneud â:
- Lleihau’r effaith negyddol ar yr amgylchedd a diwylliant lleol.
- Uchafu’r manteision economaidd i bobl leol.
- Parchu a dathlu treftadaeth, iaith a thirweddau Cymru.
- Annog teithio trwy gydol y flwyddyn sy’n cael effaith isel ac yn cefnogi cymunedau y tu hwnt i’r tymhorau brig.
Addo
Addo yw ein hymgyrch twristiaeth gyfrifol hirdymor, lle rydym yn annog ymwelwyr a phobl leol i addo gwneud y pethau bychain sy’n gwneud gwahaniaeth mawr – i ofalu am ein tir, ein busnesau, ein cymunedau a’n gilydd.
Cymerwch ran
Dyma sut gallwch gefnogi ymgyrch Addo:
- Anogwch eich ymwelwyr i fod yn ymwelwyr ystyriol a’u helpu i brofi hwyl Cymru’n ddiogel. Atgoffwch nhw i baratoi ar gyfer pob antur, boed glaw neu heulwen. Rhannwch rai o’r negeseuon diogelwch o’r adnoddau isod.
- Rhannwch bostiadau cyfryngau cymdeithasol #Addo Croeso Cymru i gadw ymwelwyr yn wybodus.
- Defnyddiwch logo Addo yn eich cynnwys marchnata perthnasol.
Adnoddau
- AdventureSmart - adnoddau defnyddiol y gall ymwelwyr a chymunedau lleol eu defnyddio.Gyda'n gilydd gallwn fwynhau'r awyr agored yn ddiogel.
- Cyngor diogelwch ar gyfer archwilio’n Parciau Cenedlaethol - yr holl wybodaeth sydd ei hangen arnoch i ddarganfod mwy am ymweld â’n Parciau Cenedlaethol yn ddiogel.
- Canllaw RNLI i ddiogelwch ar y traeth - boed i ymwelwyr fynd i syrffio, cerdded llwybr yr arfordir, hwylio neu deimlo’r tywod rhwng eu bysedd traed, gallant ddilyn y cyngor defnyddiol hyn i gadw’n ddiogel ar ein traethau.
- Float to live (Saesneg yn unig) - mae cyngor RNLI ar aros yn ddiogel yn y dŵr yn ddefnyddiol i bawb.
- Cod Cefn Gwlad – eich canllaw i helpu ymwelwyr ddilyn cod cefn gwlad.
- Delweddau a logo Addo – defnyddiwch ddelweddau a logo Addo yn eich deunyddiau marchnata. Gellir lawrlwytho delweddau Addo priodol o Lyfrgell Asedau Croeso Cymru.
- Twristiaeth Gynaliadwy Cymru – Twristiaeth Gynaliadwy Cymru | Busnes Cymru.
