Blwyddyn Croeso: y newyddion diweddaraf - Mehefin 2025

Mae'r haf bron yma, ac rydym am wneud yn siŵr bod pobl yn meddwl am ymweld â Chymru. Rydym yn cynnal llawer o ymgyrchoedd a gweithgareddau hyrwyddo i fanteisio ar archebion munud olaf a throsiadau ar gyfer marchnad y DU ac yng Nghymru a mwy o ystyriaeth hirdymor ar gyfer marchnadoedd rhyngwladol.

Rydym wedi dechrau ail ran ein hymgyrch "Hwyl". Rydym yn targedu a rhannu pethau cyffrous am Gymru ar draws pob platform digidol, mewn canlyniadau â thâl, SEO a rhaglenni yn ogystal â gweithrediadau cysylltiadau cyhoeddus i greu diddordeb yn Nghymru.

Ar gyfer cam 2 rydym yn canolbwyntio ar y cynulleidfaoedd targed canlynol:

• bobl sy'n caru diwylliant,
• teuluoedd sy'n chwilio am hwyl,
• bobl sy'n mwynhau'r awyr agored.

Mae adnabod eich cynulleidfa yn allweddol, darllenwch ein gwybodaeth ar ddeall ein cynulleidfa darged.

Yn ogystal â'n prif ymgyrch Hwyl, rydym yn cynnal ymgyrch Cymru i'ch Ci - ymgyrch hwyliog i gyplau a theuluoedd sydd â chŵn. Mae'n dangos bod Cymru yn lle gwych ar gyfer gwyliau sy'n gyfeillgar i gŵn drwy gydol y flwyddyn.

Mae mwy o bobl yn chwilio am gyrchfannau gwyliau lle mae eu cŵn yn cael eu croesawu ac rydym yn manteisio ar y duedd hon ac yn sicrhau bod Cymru yn eu meddwl pan ddaw i gyrchfan sy'n gyfeillgar i gŵn.

Beth rydyn ni'n ei wneud:

• Hysbyseb deledu - mae'r hysbyseb ar y teledu (ITVX) ac ar-lein ym mis Mai a mis Mehefin. Mae wedi'i gwneud i ddenu sylw cŵn a'u perchnogion, gan ddefnyddio lliwiau glas a melyn llachar a synau ASMR fel sŵn chwibanu, cyfarth, allweddi'n tincian a chŵn yn anadlu.
• Rhannu negeseuon - annog pobl i fod yn berchnogion cŵn da. Rydym yn eu hatgoffa i ddilyn rheolau cefn gwlad a gweithredu'n gyfrifol, gan sicrhau bod cŵn yn cael eu cadw ar dennyn mewn lleoliadau amaethyddol.

Os ydych chi'n cynnig profiadau sy'n gyfeillgar i anifeiliaid anwes ac yn rhan o'n cynllun graddio Croeso Cymru, gallwch gael Gwobr Croeso am ddim.

Mae tymor 4 o Welcome to Wrexham wedi ddechrau ar 16 Mai, rydym yn falch o fod yn gweithio gyda Disney i hyrwyddo Cymru cyn pob pennod gyda hysbysebion wedi'u lleoli a noddi rhaglenni sy'n targedu gwylwyr yn y DU. Croeso Cymru yw un o'r brandiau teithio cyntaf i hysbysebu ar Disney + ac mae'r cyfle noddi hwn yn cyd-fynd yn berffaith â brand Cymru gan ein galluogi i hyrwyddo Cymru ymhellach a chyrraedd cynulleidfaoedd newydd.

Er mwyn manteisio i'r eithaf ar y cyffro gan gefnogwyr yn yr Unol Daleithiau sy'n caru'r sioe Welcome to Wrexham, rydym cynnal ymgyrch arbennig ar Reddit. Bydd hyn yn digwydd tua'r amser y daw Tymor 4 allan yng nghanol mis Mai. Bydd yr ymgyrch yn dangos Wrecsam a lleoedd cyfagos fel mannau gwych i bobl sy'n meddwl am daith i Gymru.

Bydd yr ymgyrch yn cynnwys:

• Fideo byr - bydd yr ymgyrch yn cynnwys fideo byr yn arddangos Wrecsam ac atyniadau cyfagos.
• Tudalen we arbennig - gan gynnwys cynllun teithio i helpu ymwelwyr i gael syniadau ar gyfer eu taith. 
• Cynllun cysylltiadau cyhoeddus - rydym hefyd yn gweithio ar gynllun cysylltiadau cyhoeddus i dargedu defnyddwyr yn yr Unol Daleithiau.
• Gweithio gyda Chlwb Pêl-droed Wrecsam - i helpu hyd yn oed mwy o bobl i ddysgu am Gymru. Yr haf hwn, mae'r tîm yn mynd ar daith yn Awstralia a Seland Newydd, a byddant yn rhannu ysbryd hwyliog a chyfeillgar Wrecsam a Chymru gyda chefnogwyr yno.

Dechreuodd ein hymgyrch Expedia ym mis Ebrill a bydd yn rhedeg tan fis Tachwedd. Mae wedi ei anelu at bobl yn yr Unol Daleithiau a'r Almaen. Y brif neges yw "Teimla'r Hwyl," sy'n golygu rhannu hwyl ac ysbryd Cymru. Rydym yn defnyddio hysbysebion baner ar wefan Expedia ac yn talu am negeseuon ar gyfryngau cymdeithasol. Hyd yn hyn, mae'r canlyniadau'n edrych yn dda! Cyn bo hir, bydd yr ymgyrch yn symud i'r cam nesaf, lle gobeithiwn y bydd mwy o bobl yn archebu teithiau. Mae'n bwysig iawn i Gymru gael ei gweld ar wefannau mawr fel Expedia, yn enwedig yn yr Unol Daleithiau. Mae'n helpu mwy o bobl i ddysgu am ein gwlad.

Rydym yn gweithio'n agos iawn gyda VisitBritain i sicrhau bod Cymru'n ymddangos yn amlwg yn yr ymgyrch ddiweddaraf i'w lansio, sef Starring Great Britain. Mae House of the Dragon yn ymddangos yn y brif ffilm arwr a ffilmiwyd rhannau ychwanegol yn hyrwyddo traethau Cymru gan VisitBritian yng Ngogledd Cymru y llynedd. 

Dysgwch fwy am sut i gymryd rhan yn yr ymgyrch 'Serennu Prydain Fawr'.

Dechreuodd ymgyrch ddigidol Hwyl yn yr Almaen ar 6 Mai. Mae wedi'i chynllunio i dargedu tri math o gynulleidfaoedd:

• selogion awyr agored
• teuluoedd 
• teithwyr dinasoedd diwylliannol.

Beth rydyn ni'n ei wneud:

• fideo arwr
• ymgyrch hoffi tudalen
• hysbysebion creu trywydd ar Facebook
• hysbysebion arddangos Facebook a Pinterest
• straeon Facebook / Instagram.

Bydd y gyfran gyntaf hon o weithgaredd yn rhedeg tan 30 Mehefin.

Rydym yn gweithio gyda phedair cwmni teithio mawr yn yr Almaen o fis Mai i fis Gorffennaf 2025 i helpu mwy o bobl i ddysgu am Gymru.

Beth rydyn ni'n ei wneud:

• DERTOUR - Ymgyrch Instagram, cynnwys newyddlen ac integreiddio cynnwys Cymru ar 'ComeCloser', porth B2B arbenigol a ddefnyddir gan asiantau teithio yn yr Almaen
• Gebeco – Rydym yn rhoi straeon am Gymru ar eu gwefan, Gebeco.de, mewn dau gylchlythyr i gwsmeriaid a dau i fusnesau teithio. Rydym hefyd yn rhedeg hysbysebion ar Facebook, Instagram, a Pinterest.
• Wolters Rundreisen - Rydym yn cynnal wythnos bwrpasol 'Cymru' ar y cyfryngau cymdeithasol, gyda chystadleuaeth wobrwyo a hysbysebion ar Instagram, Google, YouTube, a mwy. Rydym hefyd yn rhannu newyddion Cymru mewn cylchlythyrau ac ar eu gwefan.
• Travelling Britain – newyddlen annibynnol Cymru, tudalen lanio Cymru, baner hafan, negeseuon cyfryngau cymdeithasol. Byddwn yn rhannu diweddariadau ac elfennau creadigol yr ymgyrch maes o law.  

Ar gyfer 2025/26, rydym yn canolbwyntio ein hymweliadau gan y wasg a’r cyfryngau ar hyrwyddo Blwyddyn Croeso.

Beth rydyn ni'n ei wneud:

• Newyddiadurwyr a Dylanwadwyr - rydym yn gwahodd dros 100 o awduron teithio a dylanwadwyr o'r DU i ymweld â Chymru a rhannu eu straeon. Rydym am iddynt brofi'r teimlad unigryw o hwyl - cyflwr dwfn o lawenydd a brwdfrydedd sy'n dod o ymgolli yn llwyr yn y foment. O'n traethau a'n mynyddoedd i wyliau a chroeso cynnes Cymru, rydym am dynnu sylw at yr eiliadau sy'n gwneud Cymru yn wirioneddol arbennig ac rydym am sicrhau ein bod yn cael cymaint o newyddiadurwyr a gweithwyr o'r cyfryngau i brofi'r eiliadau hyn i sicrhau sylw cysylltiadau cyhoeddus gwych i Gymru.
• Grwpiau rhyngwladol - rydym yn gwahodd grwpiau o newyddiadurwyr o wledydd eraill i ymweld â Chymru. Rydym yn cynnal tua deg taith grŵp bob blwyddyn a llawer mwy o deithiau i ymwelwyr unigol. Mae'r rhain yn helpu teithiau i ddangos rhannau gorau Cymru i bobl o bob cwr o'r byd.

Cymerwch olwg ar ychydig o sylw diweddar yn y cyfryngau yn y DU:

The best beaches in Wales: 16 spectacular spots (Saesneg yn unig)

A good walk: Mynydd Garthmyn and Capel Garmon, Eryri (Snowdonia) National Park (Saesneg yn unig)

The South Wales mining village that made Richard Burton a global icon (Saesneg yn unig)

Rydym yn cynnal amrywiaeth o deithiau i'r wasg drwy gydol y flwyddyn, yn aml ar y cyd â VisitBritain.

Mae themâu eleni ar gyfer y teithiau hyn yn cynnwys:

• Moethusrwydd
• Golff
• Llenyddiaeth
• Cynaliadwyedd
• Iechyd a lles 
• Bwyd a diod 
• Lleoliadau teledu a ffilm
• Lleoliadau cyfeillgar i gŵn