Diolch i bawb a ymunodd â'n gweminar ddiweddar ar gyfer y diwydiant, Darganfod Pŵer Mewnwelediadau Twristiaeth gyda Croeso Cymru, a gynhaliwyd ar 14 Hydref 2025.

Mae recordiad o'r weminar, a dolenni defnyddiol eraill o'r sesiwn, bellach ar gael isod.

Cafodd y weminar ei harwain gan dîm Ymchwil a Mewnwelediadau Croeso Cymru a'r nod oedd archwilio'r ystod eang o ddata a gwybodaeth sydd ar gael i gefnogi'r diwydiant twristiaeth yng Nghymru. Cafodd mynychwyr fewnwelediadau gwerthfawr i'r canlynol:

  • tueddiadau o ran twristiaeth ddomestig o  Arolwg  Twristiaeth Prydain Fawr (GBTS),
  • data ynghylch ymwelwyr rhyngwladol o'r Arolwg Teithwyr Rhyngwladol (IPS), a
  • canfyddiadau o'n Arolygon Galw o fewn y Farchnad.

Archwiliodd y weminar hefyd sut mae'r sylfaen dystiolaeth hon yn cefnogi uchelgeisiau ehangach Cymru o ran twristiaeth – o wella profiadau ymwelwyr i atgyfnerthu ein safle mewn marchnad fyd-eang gystadleuol. Gwnaeth polau rhyngweithiol a sesiwn holi ac ateb fyw greu cyfleoedd i'r mynychwyr rannu adborth a gofyn cwestiynau yn uniongyrchol i'r tîm ymchwil.

P'un a ydych chi'n weithredwr twristiaeth, rheolwr cyrchfan neu randdeiliad sydd â diddordeb mewn tueddiadau ymwelwyr, roedd y sesiwn hon yn cynnig enghreifftiau ymarferol o sut y gall ymchwil fod yn sail i benderfyniadau, dylanwadu ar waith marchnata a hwyluso cynllunio strategol.

Recordiad o'r weminar 14 Hydref 2025 (Saesneg yn unig). Gweminar Croeso Cymru - Hysbysiad preifatrwydd recordiad Microsoft Teams

Gweminar – gwybodaeth ddefnyddiol

Cysylltu â’r Tîm Ymchwil a Chipolwg

Anfonwch e-bost at y tîm os hoffech wybod mwy am yr ystadegau a'r ymchwil sydd ar gael

Anfonwch e-bost at y tîm

Straeon Perthnasol