Gweithdy ymarferol am ddim, a gyflwynir gan MWT Cymru ar ran Llywodraeth Cymru, ar gyfer busnesau twristiaeth a lletygarwch yng Nghymru.
Os ydych wedi clywed pobl yn siarad am “AI” ac yn eddwl tybed a yw’n werth eich amser – mae’r gweithdy hwn ar eich cyfer chi.
Byddwn yn dangos ffyrdd go iawn ac ymarferol i chi ddefnyddio offer AI fel ChatGPT i arbed amser, denu mwy o gwsmeriaid, a gwneud i’ch busnes sefyll allan, a helpu i droi diddordeb yn archebion:
- Creu postiadau cyfryngau cymdeithasol sy'n rhoi sylw, ymgysylltiad ac archebion heb dreulio oriau ar gynnwys.
- Optimeiddio eich rhestrau Croeso Cymru a Google fel eu bod yn glir, yn gymhellol ac yn hawdd i gwsmeriaid ac offer chwilio AI ddod o hyd iddynt a'ch dewis chi!
- Ymateb yn gyflym i gwestiynau cwsmeriaid gyda negeseuon cyfeillgar, proffesiynol sy'n adeiladu ymddiriedaeth ac yn rhyddhau eich amser.
- Arbed oriau ar gynnwys, diweddariadau ac e-byst, gan roi mwy o le i chi ganolbwyntio ar redeg eich busnes yn hytrach na gweinyddu.
Suzi Drew, Belan Bluebell Woods"Roedd y gweithdy AI yn anhygoel! Mewn llai na 30 eiliad, asesodd yr offer AI fy ngwefan a dangosodd yn glir i mi pa eiriau allweddol i'w newid i gynyddu nifer yr ymwelwyr a nifer yr archebion. Fe wnaeth fy helpu i greu ymgyrch newydd sbon ar y cyfryngau cymdeithasol o fewn eiliadau a chefais werth wythnosau o gynnwys parod i'w ddefnyddio. Fel busnes twristiaeth, roedd hyn yn hynod ymarferol ac yn hawdd ei gymhwyso ar unwaith. Byddwn yn argymell y gweithdai hyn yn fawr i unrhyw un ym maes twristiaeth neu letygarwch sy'n ceisio arbed amser a bod yn fwy gweladwy. Rwy’ bellach yn hoff iawn o AI, ac rwy'n siŵr y bydd yn helpu i ddatblygu fy musnes eleni."
Pwy all fynd
Mae'r gweithdy wedi'i gynllunio ar gyfer busnesau twristiaeth a lletygarwch BBaCh a micro, p'un a ydych yn hollol newydd i AI neu eisoes yn arbrofi ac eisiau mwy o strwythur, hyder a chamau nesaf ymarferol.
Er mwyn i gymaint o fusnesau â phosib gael dod, peidiwch â bwcio lle ar gyfer mwy na dau berson y busnes/sefydliad. Cofiwch, bydd angen ichi archebu ar wahân ar gyfer pob person.
Beth i'w ddisgwyl
Nid yw hyn yn ymwneud â thechnoleg gymhleth na geiriau poblogaidd. Mae'n ymwneud â dulliau syml, cost isel y gallwch ddechrau eu defnyddio ar unwaith, gydag arweiniad cam wrth gam, demos byw, a gweithgareddau ymarferol drwyddi draw.
Byddwn hefyd yn trafod sut y gall newidiadau bach fel diweddaru eich rhestrau neu addasu geiriad eich gwefan, wneud gwahaniaeth mawr wrth helpu ymwelwyr i ddod o hyd i'ch busnes ac ymddiried ynddo ar-lein.
Byddwch yn gadael gyda chamau clir y gallwch eu cymryd yr un diwrnod, boed hynny'n gynllunio eich ychydig bostiadau nesaf neu wneud yn siŵr bod eich busnes yn ymddangos yn y lleoedd iawn.
Eisiau help ychwanegol?
Arhoswch o gwmpas ar gyfer y sesiwn prynhawn dewisol – ein Labordy Gweithredu – lle byddwn yn gweithio gyda chi un-i-un neu mewn grwpiau bach i droi'r hyn rydych chi wedi'i ddysgu yn weithredu ymarferol ar unwaith.
Manylion y Gweithdai AI
- 9:30 yb i ddechrau am 10:00 yb
- 1:00 yp – 1:45 yp Darperir cinio ysgafn
- 1:45 yp: "Y Labordy Gweithredu" (Sesiwn prynhawn dewisol)
- 3:30 yp tan cau
Mae'r cynlluniau hyn yn cael eu hariannu'n llawn gan Lywodraeth Cymru. Cyflwynir gweithdai gan MWT Cymru, sefydliad nid-er-elw sydd wedi bod yn helpu busnesau twristiaeth yng Nghymru ers dros 30 mlynedd. Mae MWT Cymru yn arbenigo mewn ffyrdd syml, effeithiol o roi hwb i'ch gwelededd a gwneud marchnata digidol yn llai o straen.
